પાલડી પી આઈ ના માર્ગદર્શન હેઠળ ‘પોલીસ આપણા આંગણે’ કાર્યક્રમનું આયોજન : અમદાવાદ પશ્ચિમના ઝોન-૭ હેઠળના પોલીસ અધિકારીઓ રહેશે ઉપસ્થિત

અમદાવાદ શહેરના પાલડી પોલીસ સ્ટેશનના પોલીસ ઇન્સ્પેક્ટર શ્રી આર.જી.સિંધુ સાહેબના માર્ગદર્શન હેઠળ પાલડીના પ્રતિષ્ઠિત ડો. ધર્મેશ ઠક્કર દ્વારા ‘પોલીસ આપણા આંગણે’ નામના એક સુંદર કાર્યક્રમનું આયોજન તા.૪.૨.૨૦૨૩ ને શનિવારના રોજ પાલડી ખાતે આવેલ હોટલ બોનહોમી ખાતે સાંજે ૮ થી ૯.૩૦ દરમ્યાન  કરવામાં આવેલ છે.

અમદાવાદના પશ્ચિમના ઝોન-૭ હેઠળના પોલીસ સ્ટેશન વિસ્તારમાં આવેલા ડોક્ટર્સ, એન્જીનીયર્સ, સી.એ.,શાળા સંચાલકો તથા મોટા વેપારીઓ સાથે તમામ પોલીસ અધિકારીઓ સીધો સંવાદ કરશે. દૈનિક કામકાજ દરમ્યાન પડતી નાનીમોટી તકલીફો સામે પોલીસ શું અને કેવી મદદ કરી શકે તે વિષે ચર્ચા કરવામાં આવશે.

આ સુંદર મજાના અવસરમાં અમદાવાદ શહેરના એડી.સી.પી. સેક્ટર-૧ શ્રી નીરજ બડગુજર, ડી.સી.પી.ઝોન-૭ શ્રી બી.યુ.જાડેજા, ડી.સી.પી. ટ્રાફિક પશ્ચિમ અમદાવાદ શ્રી નીતા એચ. દેસાઈ, એ.સી.પી. એમ. ડીવીઝન શ્રી એસ.ડી.પટેલ, એ.સી.પી. એન ડીવીઝન શ્રી નિધિ ઠાકુર, એ.સી.પી.ટ્રાફિક અ વિભાગ શ્રી એસ.જે.મોદી તથા અમદાવાદ પશ્ચિમના ઝોન-૭ હેઠળના તમામ ૮ પોલીસ સ્ટેશનના પોલીસ ઇન્સ્પેક્ટર ઉપસ્થિત રહેશે.

શહેરના નાગરિકો અને પોલીસ વચ્ચે સંબંધનો એક નવો સેતુ બંધાય અને શહેરમાં શાંતિમય વાતવરણ વચ્ચે નાગરિકો મોજથી પોતાનું જીવન વ્યતીત કરે તેવા શુભઆશય સાથે થનાર આ કાર્યક્રમને તોફાની તાંડવ પરિવાર તરફથી ધોધમાર શુભકામનાઓ પાઠવવામાં આવી છે.